მირი

მირი - სტეფანოზ III-ის უფროსი ძე. მურვან ყრუს შემოსევის დროს იგი მამასთან და უმცროს ძმასთან, არჩილთან ერთად, დასავლეთ საქართველოში (ჯერ ეგრისს, შემდეგ აფხაზეთს) გადავიდა. როვა მურვან ყრუ აფხაზეთში მივიდა, ქალაქ ანაკოფიასთან, მირი და არჩილი ქართველთა მცირე ჯარით გამოუხდნენ არაბებს, დაამარცხეს და გამოაქციეს ისინი. მაგრამ თვითონ მირი ბრძოლაში დაიჭრა, ფერდში ნაძგერები მაზრაკით. ქართველთა გამარჯვებით გახარებულმაბიზანტიის კეისარმა ლეონ III-ემ მირის სამეფო გვირგვინი და სკიპტრა გამოუგზავნა. ბრძოლაში მიღებული ჭრილობით მირი დასნეულდა და გარდაიცვალა. არჩილმა იგი მცხეთას დაკრძალა. მირს ძე არ ჰყოლია; შვიდი ასული დარჩა. ამათგან ბიძამ, არჩილმა ექვსი ქართველ ერისთავებს შერთო ცოლებად, ხოლო მეშვიდე, გურანდუხტი, ბიზანტიის კეისარს, ლეონ III-ეს (თუ კონსტანტინე V-ეს) მიათხოვა.